Леа Баркнел, ѕвездата на британските сапуници, која освои низа награди во овој жанр, на почетокот од септември престана да се обраќа на социјалните мрежи.
Нејзините обожаватели беа збунети и се плашеа од најлошото, а се испостави дека сепак биле во право – Баркнел починала. Како што најави нејзиниот менаџер, актерката го напуштила овој свет на 10 септември.
Британската ѕвезда пред три години дознала дека има рак на белите дробови во четврти стадиум, а последен пат кога се обратила на Твитер било за да сподели петиција чија цел била да се помогне на британското здравство и да се апелира за зголемување на бројот на членови од медицинскиот персонал во здравствените установи.
