Музичката ѕвезда Лепа Брена летото го поминува најчесто на семејната јахта, со која патува и истражува различни дестинации.
На социјалната мрежа Инстаграм, пејачката објави фотографија од бродот, на која се гледа како ужива во морско возење. На себе има очила за сонце, а делумно ѝ се гледа и деколтето во костим за капење.
Неодамна сподели и фотографија од плажа во Монако, каде што ја покажа својата неверојатна фигура на 64-годишна возраст. Позираше со голем шешир на глава, а нејзините извајани нозе беа во преден план.
Во едно интервју, Брена откри дека нејзиниот изглед не е случајност, туку резултат на дисциплина и грижа за себе.
– Секој ден пијам многу вода, медитирам и вежбам. Ако јас можам да бидам активна на 61 година, тогаш можат сите. Кога патувам, се трудам да одам на плажа или базен и да пливам. Најважно е човек да не го запостави телото – изјави фолк-ѕвездата.
