В сабота на 13 септември, на стадионот во село Глуво на Скопска Црна Гора ќе се одржи финалето на 19. по ред Меморијален турнир во мал фудбал „Љубомир Рајчевски – Рајче“. Годинава по завршувањето на спортскиот дел ќе настапи македонска поп група „Куку леле“, со своите најголеми хитови.
Ова е спортска манифестација која ја негува традицијата и преку спортот ги зближува и обединува граѓаните. Турнирот се одржува во чест на долгогодишен фудбалер на ФК Вардар, легендарниот Љубомир Рајчевски – Рајче, чие потекло беше токму оттаму. Организаторите на турнирот на кој учество земаа 28 екипи ги покануваат сите љубители на фудбалот да бидат дел од традиоционалниот спортски настан, на кој победниците во големото финале, ќе добијат парична награда од 350.000 денари. Покрај спортскиот, оваа манифестација традиционално има и културно-естраден карактар, годинава со настапот на „Куку леле“.
