Џејмс Бонд е познат заводник, кој често сака да се опушти со чашка мартини и да вози скапоцени автомобили. Но се чини дека во филмот „No Time To Die“, одлучил да се скраси. Во новото продолжение Џејмс Бонд станува татко.
„Да, вистина е. Бонд е татко. Тоа е единствената работа која обожавателите на франшизата никогаш не би ја очекувале“, изјави добро информиран извор за странските медиуми.
„Бонд секогаш со својот шарм освојува срца на бројни убавици, наизглед без последици. Тоа што Џејмс станува татко отвора цел нов свет на драма и развива нова приказна. Кога Бонд дознава дека има дете, тоа е составниот дел на сценариото. Шокантно е и преполно со пресврти“, додава изворот.
Во пресвртот на љубовниот живот на Џејмс Бонд своите прсти ги вмешал и Даниел Крег. Вели дека сакал овој филм да биде преполн со изненадувања и забава. Исто така, во новото продолжение Бонд ќе се бори против пандемија.
„Не е баш ковид-19, но слично е на тоа.“, вели изворот.
