Иако српската фолк пејачка Александра Пријовиќ се повлече од јавноста во последните месеци поради напредната бременост, интересот за нејзината музика не се намалува – напротив, достигнува нови височини.
Додека пејачката е во медиумска илегала, нејзиниот канал на Јутјуб бележи историски успех – Александра стана првата балканска ѕвезда која успеа да надмине една милијарда прегледи со само 64 поставени видеа.
Таа го постигна овој импресивен резултат 12 години по отворањето на каналот, што сведочи за континуираната популарност на нејзината музика и силната поврзаност со публиката.
Најгледаното видео на каналот е, како што се очекуваше, видеото за мегахитот „Дам, дам, дам“, кое досега собра дури 97 милиони прегледи. На каналот, покрај спотовите од албумот, има и архивски интервјуа и гостувања, но нивниот квантитет останува скромен во споредба со другите уметници – што само дополнително го нагласува огромниот успех на Пријовиќ на платформата.
Со оглед на тоа што на Јутјуб се заработува во просек помеѓу 800 и 1.200 евра на милион прегледи, едноставната пресметка води до проценка дека Александра собрала над милион евра само од Јутјуб, а тоа е без да се земат предвид приходите од другите стриминг сервиси како што се Спотифај и Дезер, каде што таа е исто така меѓу најслушаните изведувачи од регионот.
Ова, сепак, е само еден во низата успеси што Пријовиќ што ги забележа во последните години. Нејзината голема турнеја „Од Исток до Запад“, која вклучуваше градови низ целиот Балкан, Европа и Америка, ѝ донесе и финансиски триумф. Според медиумите, за време на 63 концерти одржани од септември 2023 до декември 2024 година, таа заработила дури 1.890.000 евра.
Покрај уметничките активности, Александра води и уреден бизнис. Како што е познато, многу пејачки во Србија денес работат преку компании или претприемачки продавници поради построгите даночни контроли. Пријовиќ пријавила вкупен приход од 1.750.000 евра за 2024 година, додека расходите изнесувале 1.183.700 евра. По сите трошоци, нејзината нето заработувачка е околу 477.000 евра.
Во време кога музичката индустрија е изложена на бројни предизвици, Александра Пријовиќ се истакна како пејачка која успешно балансира помеѓу сцената, приватниот живот и бизнисот – и од година в година ги поместува границите на регионалната музичка сцена.
