Дорис Драговиќ е една од најценетите и најомилени пејачки во регионот, која е присутна на сцената повеќе од четири децении. И ова лето го поминува работно, споделувајќи емоции и радост со своите обожаватели на секогаш добро посетените концерти. По 16 години, наскоро ќе биде објавен новиот албум на харизматичната дива. Таа зборуваше за него и за некои делови од нејзиниот приватен живот, пренесе Tportal.hr.
Новиот албум на Дорис Драговиќ го потпишува Иван Хуљиќ, а познатата сплиќанка признава дека „малку се двоумеле“ и дека „летото не е баш погодно за презентација на нов материјал“ и дека со првите малку „помирни“ денови и тоа ќе дојде на ред.
Таа е во својата седма деценија од животот, но не ѝ недостасува енергија. Смета дека тоа е „Божја волја и дека ќе работи сè додека има смисла“. Благодарна е, вели, за секој ден, за секоја година. Нејзината најголема поддршка е нејзиниот сопруг Марио Будимир, поранешен легендарен капитен на ватерполо клубот Јадран, со кого е во брак повеќе од 35 години и го имаат синот Борна.
„Она што мора да го знаеме и што е дефинитивно е дека ние самите одлучуваме за сè. И ако не ни изгледа така, и ако понекогаш ни е лесно да кажеме „тој е виновен, таа е виновна, не сум јас“, ние сме сами во тоа. Одлуките се наши, ние одлучуваме во која насока ќе оди нашиот живот, колку цврсто ќе ги држиме јажињата кога ќе стане тешко. Тоа е наша волја, наш избор“, изјави таа за In Magazin.
