Босанско-херцеговскиот пејач Харис Џиновиќ (74) повторно отворено проговори за разводот од модната дизајнерка Мелина Џиновиќ (44), нагласувајќи дека целиот процес поминал цивилизирано, и покрај големиот интерес на јавноста. Гостувајќи во емисијата „Премијера – викенд специјал“, познатиот пејач се осврна и на својата вирална изјава „Јас сум виновен само затоа што давав“, која стана интернет хит.
„Искрено, две ѕвезди се премногу во една куќа. Само една е вистинска ѕвезда, а другата е замислена. Мојот развод беше цивилизиран. Моите изјави станаа вирални, но во бракот кај мене сè беше лесно, сè можеше. Не давав само пари, дававме двајцата. Можеби ѝ здосадив. Секој има свои причини, ако каже дека повеќе не сака да биде со мене, тоа е тоа. Семејството е тешко да се создаде, а лесно да се растури,“ рече Харис.
Пејачот призна дека разводот тешко му паднал, иако, како што вели, успеал да ги контролира емоциите:
„Морам да кажам дека не страдав поради разводот. Се контролирав, го поднесов лесно, иако не беше лесно.“
Во каков однос се Харис и неговата ќерка Џина?
Покрај поранешната сопруга, Харис се осврна и на односот со децата, откривајќи дека со ќерката Џина моментално не е во добри односи.
„Можеби не ѝ недостасуваше ништо. Можеби нема што да каже, па подобро е да молчи. Никогаш не сакаше да разговара за борбата за бракот. Ниту со ќерка ми не сум во нормални односи, никаде не е совршено, во ниту едно семејство,“ искрено призна тој.
Да потсетиме, Мелина Џиновиќ неодамна се вери со богат бизнисмен во Монако. Нејзиниот нов партнер, според медиумите, пред само четири месеци добил дете со млада Украинка.
„Новиот дечко наводно во јуни доби дете со Украинка. Со неа беше кратко, а иако раскинаа за време на нејзината бременост, тој веднаш по раѓањето го призна детето. Мелина влезе во врска со него кога веќе беше слободен,“ открил извор близок до парот за српските медиуми.
