Пејачот Харис Берковиќ, кој своевремено беше миленик на женската публика, се повлече од јавната сцена по разделбата со својата долгогодишна девојка и колешка Рада Манојловиќ. Денес малку се знае за неговиот живот, но од неодамна повторно е активен на социјалните мрежи.
Љубовната приказна меѓу Рада и Харис отсекогаш ја интригирала јавноста, иако двајцата ретко зборуваа за интимните детали. Во времето кога беа заедно, снимија и заеднички дует, а многумина му предвидуваа блескава кариера. Сепак, по разделбата, Харис реши да се повлече. И покрај тоа, не се откажа од музиката – неодамна настапи со Драгана Мирковиќ, со која и позираше по концертот.
На најновите фотографии се забележува дека Берковиќ добил неколку килограми и има залиски, но неговиот шарм и самодоверба останале непроменети.
Рада Манојловиќ неодамна призна дека се помирила со поранешниот дечко и дека со него планира брак.
„Не се работи за месеци, туку за години. Тоа е еден нов-стар дечко, истиот човек. Пресреќна сум. Ако би го покажала јавно, сигурна сум дека многу колешки би фрлиле и двете очи на него. Тој е човекот на кој би му го кажала судбоносното ‘да’. Нашата желба е да имаме дете, но тоа не зависи само од нас“, изјави таа во емисијата „Премиера – викенд специјал“, нагласувајќи дека не станува збор за Милан Станковиќ.
Пејачката искрено зборуваше и за тоа дека токму нејзината неподготвеност да стане мајка била причина за проблеми во врската со Харис.
„Се обидував да му објаснам на Харис и на другите дека едноставно немам мајчински инстинкт. Тие мислеа дека не сакам дете со нив, но личност која мора да зема ксанакс и не може да се справи со конфликти не е подготвена за воспитување дете. Јас сум таа што бега од одговорност“, откри таа во интервју за „Свет“.
