Босанскиот пејач Халид Бешлиќ за „Ин магазин“ откри дека ослабел 20 килограми и дека престанал да пуши.
„Имав 125 килограми, па 115 и сега имам 105 и останав на оваа килажа, а треба да имам 90 килограми. Наеднаш се здебелив, па тоа малку ме оптерети. Престанав да пушам, затоа се здебелив толку многу“, рекол тој.
„Имав проблеми со вените и артериите, ставив два стента. Малку се ослободив и од алкохолот, па сега сум фит и можам да пеам. Разбудете ме среде ноќ, можам да пеам”, тврди пејачот.
Тој и неговата сопруга Сејда се во брак 45 години и имаат еден син. Тие сакале да имаат уште деца, но Сејда не можела да остане бремена.
„Докторот погрешно дијагностицираше дека е бремена, но не беше – имаше тумор на јајниците. И кога отиде на втор преглед, ѝ го открија и ја оперираа, но не можеше повторно да забремени. Ако откриевме на време и ако останеше со еден јајник, ќе можеше. И така останавме со едно дете“, откри Халид.
Затоа во центарот на неговиот свет се неговите 10-годишни внуци, близнаците Ламија и Белмин Кан, кои живеат со своите родители во Германија.
„Што може да биде подобро од дедо? Внукот Белмин вели: ‘Мамо, купи ми го тоа’. Мајка му му одговара: ‘Немам пари’, а тој ѝ вели: ‘Дедо има пари’. Јас само го гледам тоа и велам: ‘Дедо има’ (се смее). Внуката сака да танцува, свиреше и виолончело, сака да пее, малку е срамежлива, а сега што ќе се случи, појма немам. Во суштина, таа е музикална. А внук само – Роналдо и Меси. Него го запишав на фудбал“, изјави Бешлиќ.
