Македонската манекенка Катарина Ивановска го избра грчкиот остров Лефкада како совршена дестинација за летување годинава. Убавата Македонка се впушти во едриличарска авантура, во друштво на својот партнер Стефан Ханџиски и блиски пријатели.
Сега таа сподели серија фотографии од магичното летување, исполнето со романтични мигови и многу забава.
„Едрам за првпат“, напиша Ивановска во описот на објавата.
Пред околу еден месец, таа ја отвори летната сезона со патување на море со ќерката Кира, неколку од нејзините најблиски пријателки и нивните деца. Манекенката објави неколку фотографии од ова женско патување, на кои се гледа како чита книга, додека Кира се забавува на плажа со другарчињата.
Малата Кира, според многумина, многу наликува на мајка ѝ, а со оглед на тоа дека Ивановска е една од најуспешните македонски манекенки, не е чудо што многумина веќе ја гледаат како нејзина наследничка.
Да потсетиме, Катарина Ивановска од врската со Цобе ги има синот Вања и ќерката Кира, а во моментов е во врска со Стефан Ханџиски, директор на групацијата „АСУРА“.
