Македонската фолк-пејачка Сузана Гавазова сподели нови моменти од својот летен одмор и со следбениците на социјалните мрежи покажа како ги поминува деновите покрај море.
Струмичанката објави серија фотографии и видеоснимки од егзотична дестинација, на кои позира покрај брегот и ужива во сончевото време.
На дел од снимките Гавазова е во кафеав дводелен костим за капење, додека на други позира во црно бикини покрај морето.
Пејачката, која е активна на социјалните мрежи и редовно споделува моменти од секојдневието, и овојпат доби бројни комплименти од своите следбеници за изгледот.
По одморот – домашна пица
По летните кадри, Гавазова сподели и сосема поинаков момент од секојдневието. По враќањето дома, таа покажа што подготвувала во кујната – домашна пица со интегрално брашно.
„Денес направив домашна пица со здраво тесто од интегрално брашно, тенко, крцкаво и превкусно!“, напиша пејачката покрај видеото од подготвениот оброк.
Гавазова често им дозволува на следбениците да ѕирнат во нејзиното секојдневие, па покрај фотографии од настапите и патувањата, на нејзиниот профил можат да се видат и моменти од семејниот живот.
