Богдан Илиќ, или попознат како Бака Прасе, е однесен во просториите на Одделот за високотехнолошки криминал на МВР за да даде изјава за сите познати околности поврзани со смртта на Кристина Ѓукиќ, која го користела прекарот Кика на социјалните мрежи.
Специјалното обвинителство упати барање до МВР да ги собере потребните информации за други околности кои се важни за утврдување на целосната фактичка состојба во врска со трагичниот настан.
Засега тој е на распит како граѓанин, а не како осомничен, а понатамошната истрага ќе утврди дали има врска со смртта на јутјуберката.
View this post on Instagram
Младата јутјуберка Кристина Кика Ѓукиќ (21) изврши самоубиство поради долгогодишното злоставување кое го трпела на социјалните мрежи.
Кика беше една од омилените српски гејмери, јутјубери и инфлуенсери кај помладата популација. Родена е во Белград, имаше само 21 година и беше една од ретките гејмери на ова поднебје, а во март 2015 година го лансираше својот „YouTube“ канал каде секојдневно објавуваше клипови во кои игра една од најпопуларните игри.
