Иако името на Тома Здравковиќ сè уште буди емоции кај љубителите на добрата музика, неговото семејство останува дискретно и далеку од очите на јавноста. Пејачот, кој почина пред 34 години, зад себе остави две деца – ќерката Жаклина, која понекогаш се појавува во медиумите, и синот Александар, кој живее тивок живот во Торонто.
Александар е дете од вториот брак на Тома со Гордана Здравковиќ, жената што остана покрај него до самиот крај. Тој ретко зборува за своето потекло, но во една прилика открил колку му било тешко да расте со толку големо име на плеќите.
„Кога ќе дознаат чиј син сум, првото прашање е секогаш – како било да се живее покрај таков човек. Поради тоа, долго време се претставував како Александар Саша, само за да го избегнам притисокот што го носи презимето Здравковиќ,“ искрено признава тој.
Татка си го изгубил на многу млада возраст и, како што вели, вистински ја разбрал неговата музика дури во тинејџерските години, кога и сам почнал да ги доживува првите вљубувања. Наместо во парк, некогаш со Тома одел во казино, сведочејќи многу нешта што не бил подготвен да ги разбере толку рано.
„Видов многу, а не знаев што се случува околу мене“, се сеќава Александар.
