Хрватската пејачка Северина Вучковиќ (52) викендов настапи во хрватската населба Слано, а потоа сподели и фотографии од настапот на својот инстаграм-профил.
„Синоќа беше слатко во Слано (алудирајќи на зборот ‘слано’, коj на хрватски значи солено)“, напиша таа во описот на објавата.
Пејачката со своето тело и глас ја воодушеви публиката, а на многумина особено им се допадна нејзината маица со оптичка илузија.
Станува збор за маичка со пруги, која ја искомбинира со кратки црни шорцеви, патики и бели чорапи.
Покрај фотографиите, Северина се пофали и со видео на кое го пее нејзиниот голем хит од 1999 година, а во описот напиша: „Може некој да ми објасни што е со ‘Анте’? Затоа што таа песна е дупло постара од публиката во првите редови…“.
