Кога температурите се под нулата, а снегот ги покрива улиците, секогаш се поставува истото прашање: Како да се облечеме топло, а во исто време да изгледаме средено и модерно?
Токму тој баланс често е најтешкиот, но Северина деновиве покажа дека е возможен. Нејзиниот зимски изглед е практичен и целосно усогласен со актуелните трендови. Клучниот избор се кратка крзнена бунда и „буче“, комбинација што оваа зима сè почесто се гледа и во град и на скијалиштата.
Пејачката им се јави на следбениците на социјалните мрежи од снежните улици на Кицбил, каде прошета во „après-ski“ издание што делува опуштено, но многу внимателно стилизирано. За зимскиот ден избра кратка кафеава крзнена бунда, комбинирана со црни скијачки панталони со прерамки.
Под бундата дискретно се забележува бела ролка со шарени мотиви, а црвената капа и ракавиците внесеа боја и живост во целата комбинација. На нозете носеше лакирани црни „буче“, додека целиот изглед го заокружи со црна чанта „Ермес Кели“, класичен детаљ што и на поспортски стајлинг му додава доза елеганција.
