Хана Хуљиќ Грашо по подолг период на непојавување на социјалните мрежи објави фотографија од студиото каде се гледа како свири на клавир.
„Подготовки во тек“, напиша Хана и го означи музичкиот продуцент Хрвоје Домазет.
Под лежерната облека ѝ се гледа трудничкиот стомак, а нејзината бременост полека привршува. Петар Грашо и Хана Хуљиќ во април годинава открија дека чекаат второ дете.
Петар подоцна изјави дека по нивната ќерка сега пристигнува син.
Тој раскажа и како се чувствувала Хана на почетокот на бременоста.
„Како е Хана? Како и секоја трудница. Еден ден сака кроасани, друг ден не сака кроасани. Потоа еден ден мојот парфем ѝ мириса одлично, следниот ден ѝ е ужасен. Претпоставувам дека така треба да биде, тоа е во ред“, рече тој.
Тие веќе имаат име за нивниот син. „Имаме, но ќе си го задржиме за нас. Иако се дознавате, па ќе го дознаете и тоа“, изјави неодамна Хана за „Ин магазин“.
Петар и Хана ја добија ќерката Алба во 2022 година.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. таа донесе нешто посебно во нашиот живот“, изјави пејачката.
За потсетување, Хана и Петар се венчаа во февруари 2022 година во Сплит.
