Српскиот водител Огњен Амиџиќ и неговата сопруга Мина Наумовиќ неодамна го добија синот Перун, по што со наследникот се вселија во луксузен стан во Белград.
Откако стана мајка, убавата водителка често ги израдува своите следбеници со фотографии од семејната идила, а така беше и овој пат.
Семејството Амиџиќ деновиве ги спакувало куферите и заминало во речиси недопрената природа во срцето на Србија, додека малиот Перун уживал на чист воздух со родителите.
Семејството излегло на прошетка, а Мина ги сподели тие убави семејни моменти.
Да потсетиме, по разводот со манекенката Даниела Димитровска, со која има син, Огњен стапи во врска со 17 години помладата колешка Мина Наумовиќ, а љубовта ја крунисаа со брак пред неколку месеци.
