Холивудската ѕвезда и поранешниот гувернер на Калифорнија, Арнолд Шварценегер (73) ѕвездата од многу акциони филмови на крајот на октомври го оперираше срцето, а веќе сега вели дека се чувствува фантастично.
Познатиот актер папараците го сликале како вози оклопно возило неколку дена по операцијата низ улиците на Лос Анџелес.
Снагаторот им се вратил на секојдневните обврски и активности во животот, а ужива и со девојката Хедер Милиган (45), па таквото брзо закрепнување не можеа да го предвидат ниту докторите.
– Им благодарам на сите во болницата „Кливленд“, токму поради нив имам нов залисток на аортата, кој стои покрај мојот нов белодробен залисток од последната операција, напиша Арнолд на социјалните мрежи.
Неговите обожаватели се среќни поради доброто здравје на својот идол, но се малку загрижени бидејќи нивниот миленик има неисцрпна желба за акција, па го молат малку да се смири и одмори, како што го советуваа и докторите.
– Само немој веднаш во теретана, те молам послушај ги докторите, напиша син му Патрик кој е горд на својот татко, но е внимателен кога станува збор за здравјето и срцето на омилениот снагатор.
.Останатите обожаватели му испратија пораки за поддршка со желба тој да биде добро.
