Поп-рок ѕвездата Пинк и нејзиниот долгогодишен сопруг Карли Харт, прославија 15 години од својот брак.
Сопственичката на хитот „Raise Your Glass“ на Инстаграм сподели серија фотографии од неа и сопругот. Некои фотографии настанале одамна, на гламурозни вечери и црвениот тепих, а некои се само интимни моменти од семејната атмосфера.
„15 години! Горда сум на нас душо. Научивме како да трчаме заедно. Се надевам дека ќе издржиме барем уште петнаесет месеци. Те сакам и го сакам нашето семејство“, шеговито напиша Пинк.
Карли Харт исто така сподели видео од својата сопруга на Инстаграм профилот.
Тој ја објави Пинк која игра на бродот и го покажува средниот прст кон камерата.
„Петнаесет години со оваа неверојатна жена. Не постои никој друг со кој со задоволство би се движел во овој луд свет. Ти си прекрасна мајка, прекрасна сопруга и прекрасен пријател“, напиша тој.
