Македонската инфлуенсерка Миа Костова стана магистер по маркетинг.
Таа ја одбрани својата магисерска работа на Универзитетот за туризам и менаџмент во Скопје и убавата вест ја сподели на својот инстаграм-профил, каде има речиси 73 илјади следбеници.
„Уште сум под импресии и не можам да си ги соберам емоциите. Некој да ме разбуди да ми каже дека не сонувам! Магистер по маркетинг е само уште еден остварен сон. Задоволството е мое што и овој пат учев од најдобрите! Благодарност до комисијата и мојата менторка кои несебично ми го пренесоа нивното знаење и беа дел од овој процес“, напиша Костова во описот на објавата.
Таа доби бројни честитки од своите најблиски, а најголема поддршка ѝ беше синот Андрија.
