Српската пејачка Јелена Карлеуша ќе има голем концерт пред македонската публика на 19 октомври, во арена „Јане Сандански“, па по тој повод денеска одржа прес-конференција во Скопје.
Музичката ѕвезда изјави дека е многу возбудена поради тоа што нејзината концертна турнеја „Алфа и Омега“ започнува токму во Скопје и навистина ѝ драго поради тоа бидејќи Македонија ја доживува како нејзин „среќен знак“.
„Многу ја сакам Македонија, а тоа со години наназад го покажував. Ова е народ кој ме сака, кој ја сака музиката и знае да цени. Многу сум возбудена затоа што ова нема да биде обичен концерт – од овој концерт зависи цела турнеја.
Мислам дека Балканот уште не видел ваква продукција и ваков тип на концерт. Јас не дојдов во Скопје да заработам, ниту да се обогатам, јас сум богата жена, а во Македонија, ниту кај нас не може никој да се обогати, туку само да се покаже.
Па така, доаѓам и јас на терен каде се цени музиката да покажам после 30 години кариера што знам“, изјави Карлеуша.
