Српскиот тенисер Новак Ѓоковиќ и неговата сопруга Јелена ја прославија десетгодишнината од бракот.
Тенисерот ѝ посвети емотивна објава на својата сопруга на Инстаграм. Ѝ напиша песна на англиски и направи компилација од неговите и фотографиите и видеата на Јелена од раните денови на нивната врска до сега.
Во таа песна тој наведе се што заедно поминале тој и Јелена во овие десет години. За неколку часа објавата собра повеќе од 360.000 лајкови и многу коментари.
View this post on Instagram
Иако се во брак десет години, Јелена и Новак се познаваат многу подолго. Се запознале како тинејџери во општеството, а ги поврзувал разговорот за спорт.
„На прв поглед ме освои со нејзината насмевка. Секако, изгледот секогаш е на прво место, но љубовта бара многу повеќе. Јелена беше искрена од првиот момент, и фала му на Бога што се запознавме пред да постигнам голем успех, бидејќи знам дека таа е со мене поради мене, поради Новак, поради детето кое го запозна кога имаше 17 години, таа е мојот најголем поддржувач, таа е способна, амбициозна и силна, тоа е она што не прави среќен“, рече еднаш Ѓоковиќ.
Нивната врска се искомплицира кога Јелена замина да студира во Италија, а Новак мораше повеќе да се посвети на кариерата.
„Нашите состаноци беа научна фантастика. Јас бев студент кој едвај можеше да си дозволи да студира во странство, а тој беше тенисер кој исто така немаше пари да финансира скапо патување. Авионите беа вселенски бродови за нас, не можевме да си дозволиме тоа“, се присети еднаш Јелена.
До дипломирањето, парот одржувал врска на далечина, а потоа заедно се преселиле во Монако. Тие се верија во 2013 година, а една година подоцна се венчаа во Свети Стефан во Црна Гора. Четири месеци подоцна Јелена го роди нивното прво дете, синот Стефан. Три години подоцна ја добија ќерката Тара.
