Српската пејачка Јелена Карлеуша ја претстави својата козметичка линија, за која рече дека е нешто на кое многу работела и е многу горда. За почеток, таа лансираше унисекс парфем „Ја“ и мирисен спреј за коса и тело.
Музичката ѕвезда сега соопшти дека првиот тираж на парфемот и спрејот е распродаден.
„Мојот парфем е распродаден! Првиот тираж од парфемската линија ‘Ja’ е распродаден за неколку часа. Вториот тираж на парфемот, како и спрејот за коса и тело, од денеска е достапен во сите поголеми продавници на ‘Лили’. Исто така, од сега парфемите и спрејовите ќе можат да се порачаат онлајн од сите држави на Европската Унија, како и од Црна Гора, Босна и Херцеговина и Македонија“, напиша Карлеуша на Инстаграм.
Парфемот „Ја“ е ориентално-цветен мирис за жени и мажи. Горната нота е цвет од портокал, средната нота е јасмин, додека основните ноти се ванила и килибар. Парфемот е опишан како „идеален избор за силни жени и мажи кои бараат елеганција“. Цената му е околу 57 евра.
