Познатата пејачка Ана Бекута самоуверено ги прифаќа годините, полека влегувајќи во седмата деценија од животот. Наместо да ги прикрива, таа отворено зборува за својата возраст и нагласува дека досега не направила ниту една естетска интервенција.
Иако е позната по тоа што го негува природниот изглед, сега реши да освежи еден детаљ на лицето. Ана неодамна посетила козметички салон каде направила микроблендинг на веѓите, а потоа се сликала без шминка и гордо го сподели резултатот со јавноста.
На фотографиите се гледа нејзиното лице одблиску, со сите пори и брчки – нешто што ретко која помлада јавна личност би се осмелила да го покаже.
Да потсетиме, Бекута не се подложила на пластични зафати, но има свој став за нив:
– Немам ништо против естетски операции, но ми пречи што многу жени стануваат еднакви, бидејќи се решаваат за исти зафати и на ист начин ги полнат усните. Би било многу поубаво ако секоја жена се води според своите црти на лицето – изјавила таа за „Ало“.
