Откако им се роди првиот син, Вељко и Богдана Ражнатовиќ живеат во Тител, родното место на сопругата на српскиот боксер. Таму, како што вели самиот Вељко, го нашле мирот кој им бил потребен и потребата да ги заштитат нивните деца од будното око на медиумите.
Нивната куќа го овозможува токму тоа. Се наоѓа на рид со прекрасен поглед на Војводинската рамнина, а со оглед на тоа што дворот е огромен, Ражнатовиќи се малку изолирани од соседите.
„Колку што е можно подалеку од јавниот свет. Живот пред камерите? Тоа е една проклета работа! Добивав многу осуди од луѓето за сѐ што правев и сметам дека тоа не им треба на моите деца и дека ќе им биде многу поубаво ако не им се преувеличува секоја грешка што ќе ја направат во младоста. Не ги гледам моите деца таму, би направил сѐ што е во моја моќ да ги сокријам“, изјави претходно Вељко кога го прашаа зошто се преселил во Тител.
Иако решил да се пресели во мало место, Вељко им овозможил максимална удобност на своите деца и сопругата, па пред неколку години изградил голем базен во кој уживаат и неговите и децата од соседството.
View this post on Instagram
