Меланија Трамп ги одбројува деновите што ги поминува во Белата куќа со сопругот Доналд Трамп, но тоа не значи дека таа сè уште не ги исполнува своите деловни обврски.
Една од нив е годишната посета на Националната детска болница во Вашингтон, каде Меланија вчера ги посетила и им прочитала неколку божиќни бајки на децата кои се лекуваат таму. Почитувајќи ги здравствените правилата, првата дама била оддалечена неколку метри од публиката, па затоа ја извадила заштитната маска додека ја читала приказната.
Дел од медиумите ја критикуваа на оваа тема, бидејќи била без маска додека им читала бајки на децата во болницата кои се со кревко здравје.
Наводно, првата дама ги прашала организаторите на церемонијата дали е во ред да ја извади маската и добила потврден одговор, бидејќи се сметало дека растојанието меѓу неа и публиката било доволно и безбедно.
За оваа пригода, Меланија Трамп избра миди капут во светло зелена боја изработена од превртена кожа и чевли кои совршено одговараа на целата модна комбинација.
