Македонскиот модел Матеј Павловски (24) се закити со титулата „Модел со најубаво тело“ пред официјалното финале на престижниот светски избор за модели „Менхант 2025“.
Павловски, кој го носи прекарот „македонскиот Аполон“, го доби признанието во силна конкуренција од 37 врвни модели од целиот свет. Изборот се одржува во тајландската метропола Бангкок, а Павловски е единствениот претставник од Балканот и еден од ретките од Европа.
Моделот е дел од агенцијата „Макс Моделс“, која стои зад неговата меѓународна кариера, а на социјалните мрежи веќе е меѓу најголемите фаворити за уште една голема титула – за најдобар светски модел. Според анкетите и типувањата на Инстаграм, Павловски се наоѓа во првите пет најпосакувани финалисти на годинешниот избор.
Финалето на „Менхант Интернационал 2025“ се одржува денеска.
