Македонската дизајнерка Љупка Митрова повторно ги одбра Малдивите за своето егзотично бегство, каде што деновиве ужива во друштво на сопругот.
Таа сподели повеќе фотографии од тропскиот рај, а особено внимание привлече романтичната фотосесија на плажа. Облечени во бело, сопружниците позираа прегрнати и разменуваа бакнежи покрај океанот.
Одморот го исполнија и со активности – парасејлинг и возење велосипеди, но Митрова најде време и за релаксација и нега. На една од фотографиите позира покрај базен со маска на лицето.
Дизајнерката, која често споделува фотографии во костими за капење, овојпат упати и порака до оние што го критикуваат нејзиното разголено позирање.
„Си го сликам и постирам телото затоа што си го сакам телото. Знам! Каков скандал!“, гласи пораката што ја сподели Митрова.
