Светски познатиот производител на пијано „Steinway&Sons“ го промовираше својот нов производ од лимитираната серија – гранд пијано „Kravitz Grand“, дизајнирано од легендарниот музичар Лени Кравиц.
Лени честопати во интервјуа има изјавено дека неговата прва љубов отсекогаш било пијаното. Кравиц е страствен пијанист и повеќето свои композиции и аранжмани ги има создадено на „Steinway“ пијано.
Резултатот од оваа соработка е фантастичен концептуален инструмент чија основа е „Steinway Model B“. Пејачот го трансофмирал во визуелно привлечно уметничко дело на кое работел цели три години.
Најинтересен детаљ, а исто така и најпредизвикувачки за изработка биле ногарките на инструментот инспирирани од склуптурите на Западна Африка.
Ова не е единствениот „limited edition“ производ од „Stainway“, но од сите модели само овој го опишале како вистинско уметничко дело.
Ќе се произведат само десет копии на инструменти, а еден од нив пејачот Кравиц веќе го има во својата куќа во Париз.
Пијаното ќе чини 500.000 американски долари, а процент од продажбата ќе се префрла на „Harlem School for the Arts“, уметничко училиште во Њујрок, во кое учел Кравиц.
