Актерот, кој стана светски познат по улогата на Чендлер Бинг во популарната серија „Пријатели“, неодамна на јавноста и фановите им соопшти дека конечно ја најде жената на неговиот живот. Го стави прстенот на раката на згодната Моли Хурвиц, а сега не престанува да се фали со неа на социјалните мрежи.
Иако со години беше многу таинствен за својот приватен живот, Метју Пери се смени со доаѓањето во најпопуларната социјална мрежа во светот. На убедување на еден колега од серијата „Пријатели“, тој исто така се приклучи на Инстаграм и сега активно споделува моменти од неговиот приватен живот пред неговите фанови.
Пред неколку дена, тој објави дека се вери со Моли Хурвиц, девојката со која се дружеше некое време, а потоа раскина на кратко, за на крај повторно да се смири со 29-годишната бринета која е неговата најголема поддршка, а беше со него и во најтешките денови.
Да потсетиме, пред две години актерот беше подложен на операција на гастроинтестиналниот тракт, откако доживеа гастроинтестинална перфорација, што е, во повеќето случаи, резултат на прекумерна употреба на лекови или алкохол, што беше негово секојдневие во минатото.
Моли беше таа што го доведе на вистинскиот пат, а близок круг на неговите луѓе тврдат дека таа е совршената девојка за него. Тие сакаат да поминуваат време заедно дома, а Моли сака да му готви и да биде сигурна дека живее здрав живот.
Покрај тоа, се чини дека Моли му помага во неговиот нов хуманитарен проект. Ова го откри новиот пост на Инстаграм каде Моли позира во маица, а потоа и со капа кои се дел од дизајнерската колекција на актерот.
Средствата од продажбата на капите и маиците ќе бидат донирани на здравствени организации во борбата со коронавирусот.
Продажбата на оваа колекција, која е работена според неговите популарни реплики од култната серија ‘Пријатели’, трае само две недели, а во маркетинг кампањата на социјалните мрежи заштитно лице е неговата вереница.
