Францускиот актер Винсент Касел (53) и неговата помлада сопруга Тина Кунаки (23) се фотографирани на плажа во Бразил, а по тој повод измамија насмевка на многу минувачи и посетители на плажата во тој момент.
Имено, славниот актер и поранешен сопруг на најубавата жена на светот, Моника Белучи, беше фотографиран со својата 30 години помлада сопруга додека таа седеше во неговиот скут, а тој го фотографираше нејзиниот задник за да го објави на социјалните мрежи.
Ова ги насмеа многуте обожаватели кои ги видоа овие фотографии и започнаа приказни дека славниот актер „станал папучар“ откако е во брак со Тина, како и дека се подмладил, па ги следи актуелните трендови.
По тој повод, Тина носеше бел едноделен костим за капење и ги истакна своите долги тенки нозе, додека Винсент уживаше на плажа во жолти удобни шорцеви без маица.
Нивната ќерка Амазон (1) беше со нив на плажата и се забавуваше со нејзините родители и игрите со песок.
Да потсетиме, Винсент и Тина објавија дека очекуваат дете само неколку месеци по венчавката во Бидарт во југозападна Франција во август 2018 година, а сега живеат во Бразил каде го минаа и карантин за време на пандемијата на коронавирусот.
Пред Тина, Винсент беше во брак со најубавата жена на светот, Моника Белучи, од 1999 до 2013 година и со која има две ќерки Дева и Леони.
