Адријана Алачки сподели интересна случка зад камерите и покажа што се случувало само неколку минути пред снимањето на нејзината емисија „Везилка“.
Откако фризерот не успеал навреме да пристигне во студиото, на помош ѝ пристигнала нејзината гостинка, пејачката Анета Љумаковска-Размоски.
Алачки објави фотографии од шминкерницата, на кои Анета со чешел во раката ѝ ја средува косата пред почетокот на снимањето.
„Ова се вика ‘една колегијална’. Бидна и фризурата, ама кој ми ја правеше?“, напиша таа на почетокот на објавата.
View this post on Instagram
Потоа откри дека до почетокот на снимањето останувале само пет минути, а фризерот објективно не успевал да стигне навреме.
„Зад секој кадар и рефлектор, вистинските моменти се случуваат во шминкерницата – далеку од очите на јавноста.
Кога одбројуваш едвај уште 5 минути до ‘акција’ и влегуваш во студио, а фризерот објективно не стигнува… На сцената стапува Анета Љумаковска-Размоски.
Кој вели дека нејзиниот талент е ограничен само на микрофонот и песна?
Со ретка професионална несебичност и без двоумење зеде чешел во рака и едноставно рече: ‘Дај, јас ќе ти помогнам!’
Ете тоа е одлика на вистински колега — природна емпатија“, напиша Алачки.
Анета била гостинка во „Везилка“, емисијата на Алачки посветена на македонската музика и традиција, а благодарение на нејзината брза интервенција, и фризурата била подготвена навреме за снимањето.
