Македонскиот модел Елена Ѓорговска го прослави својот роденден во Белград, во друштво на блиските пријатели.
За роденденската вечер таа избра познат белградски ресторан, каде што за добрата атмосфера се погрижи српската пејачка Наташа Беквалац.
На фотографиите и снимките од прославата, Ѓорговска е одлично расположена, пее и танцува со пријателите додека Беквалац настапува.
Посебно внимание привлече и нејзиниот роденденски стајлинг. Елена носеше краток светлосин фустан со корсет-крој, украсен со светкави детали, монистра и апликации.
Изгледот го надополни со специјално изработена чантичка со своето име, подигната фризура и дискретен накит.
Инаку, ова е уште еден убав повод за славење за Ѓорговска. Пред околу еден месец таа дипломираше медицина, а успехот го прослави со голема забава во „Шато Камник“.
