Физичкиот изглед на актерите е многу важен, а некои од нив поради улогите практикуваат екстремни диети и за само неколку дена губат вишок на килограми.
Актерот Марк Волберг се пофали како за само пет дена загубил 4,5 килограми.
Волберг, кој досега имаше неколку трансформации во текот на својата кариера, во разговор за „Entertainment tonight“, откри дека за некои улоги морал многу да внимава на линијата, па не бил во состојба да јаде и пие се што ќе посака.
Овојпат, Волберг мораше да ослаби за улогата во филмот „Spencer Confidential“, поради што е на строга диета.
За новата улога тој пази што јаде и пие, а како што вели, воедно и тренира „како луд“ веќе неколку месеци за да се подготви за снимањето на „Spencer confidential“.
– Загубив пет отсто од телесната маса за само неколку дена. Јадев само супи и овошје, како и малку протеини навечер. И тоа беше се – вели актерот.
