Драгана Мирковиќ годинава слави четири децении од својата кариера, а во желбата да израдува што повеќе луѓе, нејзината турнеја покрај спектакуларни концерти ја одбележа и хуманитарна акција.
Балканската музичка ѕвезда се откажа од својата заработка во корист на оние на кои помошта им е најпотребна, а за тоа ѝ беше доделено големо признание во Загреб, каде што доби регионална награда за хуманост.
Мирковиќ беше специјална гостинка на прославата на хрватското издание на магазинот„Стори“, а по тој повод ѝ беше врачена наградата „Story heart“ за сето она што го направи во претходната година пред голем број угледни гости од околината.
„Ова признание навистина ми значи многу, но најважни ми се насмеаните лица на оние кои веќе добиле помош. Ќе продолжам да помагам на сите можни начини, бидејќи среќата секогаш се зголемува кога се споделува“, изјави Драгана при примањето на наградата.
