Тања Савиќ долго време се бореше со вишокот килограми, но благодарение на ваквиот начин на исхрана ја доведе својата фигура до совршенство, што доведе многу дами да тргнат по нејзините стапки.
„Почнав со детоксикација и требаше да пијам само сокови од овошје и зеленчук, но не можев да издржам без да ставам храна во уста. Исцедените сокови ги чував за појадок и решив да имам помали, лесни оброци со него. Јадев салати, пилешко, риба… Се разбира, сите без леб. Буквално ја преполовив количината на храна што ја внесував и тоа брзо ми донесе резултати“, рекла Тања и открила дека како и повеќето жени, најмногу се дебелее во пределот на стомакот.
„Штом ставам неколку килограми, стомакот веднаш ми се зголемува и тоа ме нервира. Конечно успеав да го намалам! Сега никаде немам вишок. Навистина се стегнав во тој дел од телото и презадоволна сум од тоа како изгледам. Имам тенденција да се здебелувам, па морам одвреме-навреме да ја регулирам исхраната за да ја задржам витката линија“, додала пејачката.
Диетата на Тања Савиќ беше вистински спасител кога пејачката се здебели за време на карантин, за што еднаш зборуваше.
„Во тоа време навистина ми беше досадно, бидејќи не настапував, само седев дома. Ми пречеше што се здебелив, особено кога ќе се погледнев во огледало и ќе видам дека секаде ‘врие’. Само што почнав да настапувам ослабев, а сега веќе немам сало ни на стомак“, раскажа таа.
Пејачката не крие дека е вистински гурман и дека сака да јаде нешто што не се препорачува за витка линија.
„Човекот понекогаш мора да си даде одмор. Ми се случува да чукам непосредно пред настап, а тоа не е многу паметно. Очите ми гладуваат, па се прејадувам, а потоа едвај пеам“, изјави Тања за „Информер“.
