Хрватскиот пејач Златан Стипишиќ, попознат како Џибони, неретко споделува детали од приватниот живот со јавноста, па неодамна сподели дека сопругата го поддржувала на почетокот на кариерата.
Тој откри дека неговата сопруга на почетокот на кариерата го издржувала целото семејство. Иако истакнува дека е многу горд на неа, тој се срами од тој период.
„Мојата желба на 20 години беше да живеам во Лос Анџелес, да возам Харли без светла, ауспух и регистрација. Тоа беше моето најголемо достигнување без мозок. Денес, кога го гледам семејството, мило ми е што не е така“, откри Џибони, кој со сопругата Сања има три деца.
„На почетокот на кариерата не заработував доволно, па ме поддржуваше сопругата Сања, која заработуваше само неколку десетици марки. Се срамев од тоа. Мојата најголема поддршка е семејството. Бескрајно сум благодарен“, рече тој.
Џибони денес е еден од најпрепознатливите пејачи од домашната сцена, а неодамна ја доби и специјалната награда „Цесарица бестселер“, која се доделува на изведувачи со најголема продажба на влезници за концерти.
