Пејачката Северина Вучковиќ минува низ повеќегодишна голгота во врска со старателството над нејзиниот син Александар.
Пред неколку дена, Врховниот суд на Република Хрватска повторно ѝ го одзема поделеното старателство и целосно му го предаде на нејзиниот поранешен партнер Милан Поповиќ, кој е татко на детето.
Нејзиниот колега Златан Стипишиќ – Џибони е меѓу многуте познати личности кои ѝ дадоа поддршка.
За време на неговото гостување на Хрватската радио телевизија, во разговор со водителката Маја Цигленецки, Џибони го изјави следното:
„Знаеш што, ќе кажам нешто што не ме праша. Мала нација сме, секој знае кој што има за ручек. Нема тајни. Значи, знаеме, не е тајна, дека Северина е добра мама… Тоа сакав да кажам. Сметам дека треба ѝ го дадете малечкиот“, рече Џибони.
Неговите зборови со поддршка стигнаа и до Северина, која му се обрати со објава на својот инстаграм-профил.
„Мој Џибо, ти благодарам… Поддршката што ја добив е огромна и ќе го победи сето зло“, напиша таа.
