Пејачката Данијела Мартиновиќ го прослави својот 54-ти роденден. Таа им се обрати на следбениците на Инстаграм по повод овој специјален ден.
„Имам добар капацитет на бели дробови за да ги изгаснам сите 54 свеќички одеднаш. Моите желби се исти: мир, отворено срце, многу љубов и драги луѓе“, напиша таа.
Во својата Инстаграм приказна откри и што ја дочекало наутро како подарок.
„Утрински подарок – 54 полски цветови. Необично е убаво кога ќе ги видиш своите години во букет со штотуку набрано цвеќе“, напиша Мартиновиќ, но не откри од кого е подарокот.
На почетокот од месецот, Данијела објави ретки фотографии со својот партнер Јосип Плавиќ. Во описот стави емотикон во форма на срце. Фотографиите ги израдуваа нејзините следбеници, бидејќи ретко споделува моменти со Јосип.
Веста за врската меѓу Данијела и Јосип се појави на почетокот на 2023 година. Таа тогаш откри дека го запознала Плавиќ кога нејзината адвокатка во 2022 година поднела пријава за кражба на идентитет преку интернет. Полицијата брзо го решила случајот, а двајцата потоа продолжиле да се дружат. Денес, заедно градат куќа.
За Данијела ова е прва јавна врска по раскинувањето со Петар Грашо во 2021 година, по 24 години заедништво. Јосип, пак, на почетокот од минатата година ѝ се врати на музиката – ја напушти полицијата и повторно го собра својот стар бенд „Изван закона“.
