Како бомба одекна веста дека Јелена Карлеуша станува нова членка на жирито во музичкото шоу „Ѕвездите на Пинк“. Веднаш по оваа информација, јавноста со нетрпение почна да шпекулира каква ќе биде динамиката меѓу членовите на жирито.
Еден од првите кои стави потпис на договорот е раперот Десингерица, кој во свој стил порача дека не се оптоварува со тоа каков однос ќе има со Карлеуша.
„Јас сум спонтан лик, ништо не планирам однапред. Едвај чекам да видам како ќе изгледа сето тоа“, изјави тој за „Информер“.
Иако јавноста очекуваше жестоки услови од Карлеуша, таа побарала само масажа во договорот. Десингерица пак, се пошегувал дека неговите услови биле многу построги: „Не смее да се спомнува, ниту да се покажува полен орган“.
По потпишувањето, атмосферата била весела – двајцата се насмеале, прегрнале и дури размениле пријателски бакнеж.
Но, Карлеуша не би била своја ако не „боцне“ некој од колегите. Овојпат на удар се најде Вики Миљковиќ, за која Карлеуша гласно прашала што точно работи во фотелјата на жирито.
