Фотографот Дејан Милиќевиќ, познат по соработката со бројни ѕвезди, сподели анегдота од снимањето со Цеца Ражнатовиќ во 1995 година за омотот на албумот „Љубав фатална“.
– Сликавме во гаража на Обилиќев венец. Сакавме Цеца да биде залижана на мотор, но фризерката не го понела шишето со вода. Цеца виде вир и рече: „Еве ти вода,“ па фризерката ѝ ја намокри косата со неа. Тоа е кога некој е суров професионалец – рече Дејан.
Го спореди и работењето со Цеца и Брена:
– Сосема се различни. Едната сака снимање надвор, другата внатре. Брена снима и на -50! Не ми се мешаат во работа, што е најважно. Со Цеца работам подолго, таа сака брзо да завршиме. Но и двете сакаат да видат како испаднало на крајот – рече Милиќевиќ.
