Пејачката Данијела Мартиновиќ беше повеќе од дваесет години во емотивна врска со својот колега Петар Грашо. Нивната разделба ги изненади многумина, но Данијела потоа пронајде среќа покрај поранешниот криминалистички инспектор Јосип Плавиќ.
Во едно емотивно интервју, пејачката отворено зборуваше за својата борба за мајчинство, искрено споделувајќи ги болните моменти кои ги доживеала на тој пат.
– Мајчинството за мене е прилично тешка и лична тема, а од друга страна, со оглед на тоа што сум јавна личност, станува и многу јавно прашање. Понекогаш таквите наслови за моето неостварено мајчинство ми звучат и изгледаат навредливо и некоректно. Затоа, во моменти на емоционална ранливост, почнав да пишувам – да ѝ раскажувам приказна на моето неродено дете, мојата „Мрвица“. Знаете, тие долги ноќи кога имате чувство дека немаат ниту почеток, ниту крај – чувство дека засекогаш ќе останете заглавени во некоја пукнатина на времето. Сакав да ѝ раскажам сè во прво лице, еднина – изјави Мартиновиќ за „Јутарњи лист“.
Пејачката додаде и дека, и покрај сè, никогаш не ја изгубила надежта дека ќе ја исполни својата најголема желба – да стане мајка.
– Детето е моја голема желба, тоа никогаш не сум го криела, но од некоја причина сè уште не се случи. Не се откажав од тоа да бидам мајка, но истовремено ја прифатив и можноста дека ќе можам да бидам среќна и ако тоа никогаш не се случи.
По раскинувањето со Грашо, Данијела започна ново животно поглавје со Јосип Плавиќ. Нивната врска привлече големо внимание во јавноста, особено откако се дозна дека Јосип ѝ препишал куќа. За својот партнер, Данијела зборува со многу емоции и почит.
– Многу ми е тешко да зборувам за Јосип, затоа што никогаш дотогаш не сум сретнала таков човек. Тој е моето прибежиште, моето сигурно засолниште, мојата поддршка и мојата потпора – вели пејачката.
