Милан Станковиќ, кој последниве години целосно се повлече од јавноста и се посвети на духовниот живот, според пишувањата на медиумите, наводно започнал љубовна врска со мистериозна бринета која целосно се прилагодила на неговиот начин на живот.
Пејачот веќе подолго време живее повлечено, не е активен на социјалните мрежи и ретко се појавува во јавноста. Се знае дека редовно посетува манастири, како во Србија, така и во странство.
Извор близок до него за српските медиуми изјавил:
„Милан е навистина заљубен и пресреќен што нашол девојка која го разбира. Веднаш се поврзаа и одлично се сложуваат. Таа нема ништо против што тој посетува свети места, дури и самата планира да му се придружи на некои од патувањата. Не сака да биде во центарот на вниманието бидејќи води мирен живот. Засега сè е прекрасно помеѓу нив, а наскоро планираат и да живеат заедно.“
Иако Милан остана во коректни односи со својата поранешна партнерка Рада Манојловиќ, таа за медиумите откри дека ништо не знае за новата врска:
„Не знам ништо за тоа. Не ми кажал дека има девојка“, изјави Рада кратко.
Останува да видиме дали Станковиќ ќе ја потврди веста или ќе продолжи да го чува својот приватен живот далеку од очите на јавноста.
