Лепа Брена и Боба Живојиновиќ ја продаваат куќата на Бежанијска коса во која живеат речиси три децении. На овој чекор се решиле кога сфатиле дека импозантната вила станала преголема само за нив двајца, со оглед на тоа што синовите одамна се отселиле и се осамостоиле.
По шпекулациите дека вилата ќе ја купат Александра Пријовиќ и Филип Живојиновиќ, многумина се интересираа каде ќе живеат Лепа Брена и Боба по завршувањето на документацијата.
Според пишувањето на српските медиуми, Лепа Брена и нејзиниот сопруг ќе живеат во новоизградена кула којашто се наоѓа во луксузниот дел на Нов Белград. На споменатата локација стан има и нивниот син Виктор, како и бројни познати личности како Милица Павловиќ, Милица Тодоровиќ, Саша Ковачевиќ, Катарина Грујиќ и други.
Цената на квадрат во овој дел од градот е од околу 3.000 до 3.500 евра, што за Брена и Боба не претставувал никаков проблем со оглед на тоа што со текот на годините стекнаа вистинско богатство.
Потсетуваме, Лепа Брена му го кажа судбоносното „да“ на тенискиот ас Слободан Боба Живојиновиќ во салата на хотелот „Интерконтинентал“ во декември 1991 година. Свадбата, се проценува, чинела 50.000 германски марки, што за тоа време било богатство. Брачните партнери го изградиле своето семејно гнездо во прекрасна вила на Бежанијска коса, која сега ја продаваат.
