Музичкиот двоец од Босна и Херцеговина, Јала Брат и Буба Корели, со своите хитови речиси постојано е присутен на врвот од домашните и регионалните топ-листи.
Но, додека нивната музика ја освојува публиката, приватниот живот на Буба Корели, со вистинско име Амар Хоџиќ, сè почесто е тема на разговор.
Корели со години ја гради својата успешна кариера, но медиумите не се воздржуваат кога станува збор за неговите љубовни врски. Особено кога станува збор за приказна што ја надминува секојдневната слика на познати личности.
Познато е дека Буба е во долга врска со Јасмина Ѓудерија, неговата љубов од тинејџерските денови. Нивната врска долго време изгледаше стабилна, речиси идеална. Но, јавноста беше изненадена кога се појавија информации дека покрај неа, раперот започнал романса и со хрватската манекенка и инфлуенсерка Петра Цупан.
Интересното во целата ситуација не е само тоа што Буба е во врска со две жени, туку фактот дека и двете девојки знаат една за друга.
„Јас немам љубовница, немам жена. Имам две девојки“, изјавил Корели, според пренесувањето на регионалните медиуми.
Вниманието дополнително се зголеми кога и Јасмина и Петра на социјалните мрежи почнаа да објавуваат фотографии со скапоцени прстени. Коментарите под фотографиите беа исполнети со претпоставки за веридба, а двете девојки лајкуваа објави во кои нивните прстени беа наречени „свршенички“.
И Петра и Јасмина редовно објавуваат фотографии со Буба, придружени со романтични пораки од типот: „Те сакам најмногу на светот“. Сепак, тоа не ја спречи јавноста да забележи и моменти на наводна љубомора – периодично се појавуваа спротиставени лајкови и молчаливи знаци на тензија меѓу двете девојки.
Ниту една од нив никогаш не ја демантираше, но и не ја потврди целосно оваа невообичаена љубовна врска.
