Јелена Карлеуша повторно ја разбранува јавноста со својот остар јазик. По прогласувањето на Принц од Врање за победник на „Песна за Евровизија 2025“, таа без влакна на јазикот го сподели своето мислење.
„Принц убаво пее, но толку е досаден што не можеш ни да го нападнеш. Ајде, нека му е со среќа“, напиша Карлеуша на социјалните мрежи, предизвикувајќи лавина од реакции.
Додека Карлеуша го поткачи, Принц не делува загрижен. По победата, во еуфорија изјави: „Ќе направиме хаос во Врање! Се чувствував како пијан, каде е ракијата? Ќе наздравам со сите!“.
Кога станува збор за неговиот настап на Евровизија, тој призна дека сè уште нема конкретна идеја, но е отворен за предлози и ќе соработува со РТС за да направи спектакл во Базел.
