Бруклин Бекам и Никола Пелц ја изненадија јавноста со објавување на веридбата по само девет месеци врска, а сега покажаа како изгледа прстенот вретен вртоглави 200 илјади долари, со кој Бруклин ја запросил Никола.
25-годишната глумица на Инстаграм го покажа блескавиот дијамантски прстен кој навистина е тешко да не се забележи, а кого го краси камен од, како што се претпоставува, 4,5 до 5 карати.
„Убавината и прецизноста се главна одлика на вереничкиот прстен со смарагд. Долгите линии на резот му даваат на каменот елегантен и префинет изглед. Би проценила дека вредноста се движи меѓу 150 и 200 илјади долари. Ваков безвременски стил е омилен меѓу познатите, обожаваат да го носат Џенифер Лопез, Амал Клуни и Џенифер Лоренс. И мајката на Бруклин, Викторија исто така сака да го носи“, изјавила за Дејли мејл експертката Шанон Делани Рон.
Во јавноста веќе се појавија и детали за претстојната венчавка која би требало да се одржи следната година и која би требало да чини дури 4 милиони британски фунти.
Таткото на Никола, 78-годишниот милијардер Нелсон Пелц, наводно веќе платил дел од трошоците, но свој придонес сакаат да дадат и Викторија и Дејвид Бекам.
Замислено е да се одржат две церемонии – во Велика Британија и на Флорида.
„Сите се воодушевени и пресреќни поради нив. Бруклин секогаш бил близок со своите баби и дедовци кои се во брак веќе 70 години и тоа го посакува и за себе“, изјавил извор близок на Бекамови за магазинот „Сан“.
