Милица Тодоровиќ неодамна се вери со своето ново момче, хрватскиот бизнисмен Марио , кој потроши огромна сума на свршенички прстен. Пејачката не сакаше да ја потврди ниту да ја демантира оваа вест, па се уште не е сигурно каков е всушност нејзиниот љубовен статус.
Милица неодамна ја збуни јавноста со објава на Инстаграм каде напиша „Никогаш нема да знаеш, срцето ми е скршено“. Поради оваа објава многумина мислеа дека Милица всушност ја раскинала свршувачката, но бидејќи и по ова не се изјаснила на оваа тема, деталите се уште не се познати и не е јасно зошто на пејачката сега и е скршено срце.
Како што пишува „Свет“, бидејќи било откриено кој е новиот избраник на Милица, Марио имал проблеми во Хрватска, каде има неколку фирми и не сака јавно да се експонира. Од друга страна, се шушка дека Марио не е баш „цвеќе за мирисање“ кога се во прашање жените и дека за него кружат разни приказни кои веќе стигнале до Милица. Дали овој статус е посветен на него или нешто друго сè уште не е познато.
„Милица изгоре затоа што јавно зборуваше за секоја врска, сега не сака да го прави тоа. Кога првпат се сретнале, Марио замолил да го држи подалеку од медиумите, бидејќи не сака да се експонира од повеќе причини. Милица ни на најблиските пријатели не им кажува многу за врската со него и се држи во тајност“, раскажува извор близок до пејачката.
Да потсетиме, веста за свршувачката брзо се рашири во домашните медиуми, а за тоа поткрепува и изјавата на Милица во емисијата „Амиџи шоу“, кога на прашањето за бракот, нејзиниот кум и колега Стеван Анѓелковиќ откри повеќе отколку што очекувала.
