Кралот на поп-фолкот Васил Бојанов – Азис, ретко дава интервјуа, сепак во подкастот на Ивка Бејбе откри многу имнтимни моменти од својот живот. Тој призна дека вистински сакал само двапати во животот.
Во една врска, неговата партнерка го изневерила по што почувствувал огромна болка, но потоа простил бидејќи никогаш не сака да има негативни чувства кон поранешните партнери.
„Тие отсекогаш биле дел од мојот живот, мојот ден, мојот сон. Дури и сум седел на иста маса со нивните нови партнери. Никогаш нема да кажам лош збор за нив – тие беа дел од мојот живот, ги бакнував, ги прегрнував. Само што ние не сме моногамни и нормално е луѓето да се среќаваат и раскинуваат.“
Азис исто така откри какви мажи го возбудуваат:
„Вистински мажи, не згодни и шармантни, туку непретенциозни. Не ги сакам суетните, туку понеуредните, разбушавени, дури и мрачни и недружељубиви.“
Се потсети и на неговите први чекори во музиката. Тој раскажа како патувал бесплатно со трамвај на својата прва средба со продуцент бидејќи тој и неговата девојка Гала не сакале да платат шест центи за билети. Неговата прва работа била во ресторан во населбата Овча Купел, каде што пеел додека луѓето јаделе ќофтиња и чкембе супа. Поради Азис, ресторанот станал хит, а тој станал ѕвезда со својот прв хит.
Пејачот не ги крие своите естетски корекции.
„Имам истетовирано веѓи. Имам промени на брадата и вилицата. Јаболчниците не ми се коригирани. Пополнив дел од устата.“
Тој зборува шест јазици и разбира седми – шпански.
Ги научил од филмови и песни, благодарение на неговото музичко уво.
