Една од најочекуваните свадби на годината ќе се случи на 19 октомври во Мајорка (Шпанија), а после 14 години во брак ќе запловат Рафаел Надал (33) и неговата вереница Марија Франсиска Перељо, позната и како Чиска.
Деталите за свадбата не се познати – парот добро ги криеше, како и целата нивна врска цело време, но засега е познато дека ќе има околу 500 поканети и дека ќе има луѓе од самиот врв на светскиот тенис.
Исто така е познато дека ниту еден од гостите не смее да користи мобилен телефон, па дури и сите вработени на церемонијата потпишаа договори за доверливост. Исто така, семејството и пријателите на парот ќе бидат сместени во локалните хотели и ќе бидат однесени до местото со автобус.
Нивната романса започна уште во 2005 година, а тие беа добро познаници и од претходно – тие се познаваа преку сестрата на тенисерот. Чиска и Надал важат за еден од најмистериозните парови на денешницата, со оглед на тоа што многу малку се знае за нив. Таа со години се држеше подалеку од нејзиното момче, дури не ги гледаше неговите натпревари, ниту била до Рафа на црвениот тепих.
Тоа се смени во последниве години, но таа и натаму сè уште е многу дискретна и ненаметлива, и покрај тоа што е негова најголема поддршка во секоја смисла, често не е физички присутна на трибините, додека Надал игра некои решавачки натпревари.
За потребите на биографијата на Надал, „Рафа“, таа објасни зошто е тоа така.
– Нему му треба простор кога ќе се натпреварува, а самата идеја да чекам цел ден да заврши она што треба и да шетам наоколу, ме заморува. Тоа би ме задушило. Тој би морал да се грижи за мене…Едноставно не. Доколку го следам насекаде, постои ризик да престанеме да се согласуваме како пар“, рече Марија.
It will undoubtedly be the wedding of the year.
Rafa Nadal and his lifelong girlfriend, María Francisca Perelló, is destined to cover covers and pages in the press of the heart of the whole world. pic.twitter.com/JvS0AhkOra— Amoako Kennedy (@FancyDiMaria) September 19, 2019
Во истото интервју, таа исто така истакна зошто тие толку многу се обидуваат да го задржат својот однос само за себе:
– Дури и кога моето семејство ме прашува за него, не зборувам многу. Факт е дека јас едноставно не се чувствувам пријатно да зборувам за мојот личен живот. И на Рафаел му одговара тоа. Не сакаме тоа да биде поинаку – додаде Марија.
Патем, оваа скромна Шпанка е две години помлада од Надал, дипломираше на студиите за менаџмент и осигурување. Порано работеше во една осигурителна компанија, а денес е деловен партнер на нејзиниот свршеник – работи како директор на неговата добротворна организација.
